ADELETA

ADELETA

uxor Lotharii Imperat. quô defunctô a Berengario, qui Veronae Imperator declaratus fuerat, in Gardensem arcem relegata, ibi ad id inopiae redacta est, ut, emendicatô per nuntium cibo, calamitosam tueretur vitam: ergo clam ex Garda profecta, ad Aleardum Veronae antistitem se contulit: is, quia locum, ubi tam illustris femina latere posset, non habebat, eam ad Accionem avunculum suum, quondam Lotharii amicum, clandestine misit: cuius operâ tam diu in suburbano quodam ad decimum lapidem latuit, quoad Othoni prumo, uno Accione auspice, nupsit. Otho illam in Germaniam duxit, havitque ex ea filium, qui Otho Secundus est postea cognominatus. Sabellicus l. 4. Decad. 1.